Aynur Rüstəmova, Esmira Tahirova – Azərbaycan dili

Vəsait müəllimlər, abituriyentlər, buraxlış imtahanına hazırlaşan IX, XI sinif şagirdləri və Azərbaycan Respublikası Təhsil Nazirliyinin Müəllimlərin İşə Qəbulu (MİQ) imtahanına hazılaşanlar üçün nəzərdə tutulmuşdur.
Vəsait aydın və anlaşıqlı şəkildə yazılmaqla Azərbaycan dili fənni üzrə bütün imtahan proqramlarını tam şəkildə əhatə edir. Kitabda dil qaydaları üzrə mövzu izahları, qapalı test nümunələri və oxuyub-anlama məzmun xətti üzrə mətn əsasında test tapşırıqları yer almışdır. Vəsait ön söz, 4 bölmə, dörd fəsildən hər fəslə aid testlər və sınaq imtahanları nümunələrindən ibarətdir. Vəsaitdə dilimizdə ən çox işlənən omonimlərin, yazılışı çətinlik yaradan sözlərin siyahısı təqdim edilmişdir. Bu, imtahana hazırlaşanlar üçün vəsaitin işləkliyini artırır. Həmçinin mövzuların qavranılmasının asan olması məqsədilə cədvəl və qrafiklərdən istifadə edilmişdir.

Aynur Rüstəmova, Esmira Tahirova. Azərbaycan dili
“Mücrü” nəşriyyatı. Bakı-2021. 300 səh.

Bu kitab “Mücrü” nəşriyyatının “Elm” seriyasında nəşr edilmişdir. Kitabın bütün hüquqları qorunur.
Nəşriyyatın rəsmi icazəsi olmadan nəşrin, habelə onun hər hansı bir hissəsini elektron, yaxud mexaniki üsullarla çoxaltmaq, surətini çıxarmaq və yaymaq qanuna ziddir.