“Mücrü” nəşriyyatı yazıçı-naşir Müşfiq XAN tərəfindən təsis edilmişdir.

Müşfiq XAN (Fərziyev Müşfiq Füzuli oğlu)

Tanınmış Azərbaycan yazıçısı, naşir, “Mücrü” nəşriyyatının təsisçisi

2017-ci ildə Azərbaycanda kitabları ən çox satılan müəlliflərin onluğunda 1-ci yerdə qərarlaşmışdır.

Международная Гильдия Писателей, Интернациональный Союз Писателей və Союз Писателей XXI века yazıçılar birliyinin üzvüdür.

İxtisasca bioloqdur. Müəllifi olduğu “Biologiya” kitabı 2015-ci ildə Türkmənistanda keçirilən 10-cu Beynəlxalq Kitab Sərgisində “İlin Kitabı” nominasiyası üzrə qalib olmuşdur.

Romanları Rusiyada, Polşada və Qazaxstanda nəşr edilmişdir. “Mücrü” proza dərgisinin və Rusiya Yazıçılar Birliyi yanında Проза.ру ədəbiyyat portalının yazarıdır.

“Золотой Витязь 2017” (Москва) və “Open Eurasian Literature Festival & Book Forum 2017” (London) beynəlxalq ədəbiyyat müsabiqələrində uğurla iştirak etmişdir.

Müşfiq XAN 19 iyul 1982-ci ildə Biləsuvar rayonunda anadan olmuşdur.

1989-1999-cu illərdə Biləsuvarda Nizami Gəncəvi adına şəhər 1 nömrəli tam orta məktəbində təhsil almışdır.

1999-2003-cü illərdə Bakı Dövlət Universitetinin Biologiya fakültəsini bakalavr, 2005-2008-ci illərdə Naxçıvan Dövlət Universitetinin Botanika ixtisasını magistr, 2008-2011-ci illərdə Azərbaycan Milli Elmlər Akademiyası Mərkəzi Nəbatat Bağı İnstitunu aspirantura pilləsi üzrə bitirmiş; “Asparagus cinsinə aid olan bitkilərin introduksiyası” mövzusunda biologiya üzrə fəlsəfə doktorluğu dissertasiyasını yazmışdır.

2003-2004-cü illərdə Sərhəd Qoşunlarında həqiqi hərbi xidmət keçmişdir.

2005-2008-ci illərdə Vahid Azərbaycan Uğrunda İstiqlal Cəbhəsinin üzvü, sədr müavini və İdarə Heyətinin üzvü olmuşdur.

2006-2009-cu illərdə Vətənpərvər Gənclər Təşkilatının sədri olmuşdur.

2008-2010-cu illərdə Klassik Xalq Cəbhəsi Partiyası “Universitet” şöbəsinin sədri olmuşdur.

2006-cı ildə “XAN” müstəqil aylıq jurnalını təsis etmiş, 2006-2008-ci illərdə jurnalın baş redaktoru olmuşdur.

İlk metodik kitabı 2008-ci ildə (“Biologiya addım-addım”), ilk bədii kitabı 2010-cu ildə (“Tənha canavar” detektiv roman) işıq üzü görmüşdür.

2004-2011-ci illərdə Abşeron rayonu Q.Xalıqov adına Qobu 1 nömrəli və Ə.İbrahimov adına Qobu 2 nömrəli tam orta məktəblərində kimya-biologiya müəllimi işləmişdir.

2008-2012-ci illərdə Azərbaycan Milli Elmlər Akademiyası Mərkəzi Nəbatat Bağında “Nadir və nəsli kəsilməkdə olan bitkilər” laboratoriyasında elmi işçi vəzifəsində çalışmışdır.

2008-2016-cı illərdə “Hədəf” kurslarında müəllim, fənn rəhbəri, imtahan rəhbəri vəzifələrində çalışmışdır.

2008-2019-cu illərədə “Hədəf” nəşrlərinin icraçı direktoru vəzifəsində çalışmış, İdarə Heyətinin üzvü olmuşdur.

2018-ci ildə yeni kitab mərkəzi konseptini – “Bapbalaca”nı təsis etmişdir.

2019-cu ildə “Mücrü” nəşriyyatını təsis etmişdir.

2020-ci ildə “Mücrü” nəşriyyatının tərkibində fəaliyyət göstərən Издательство “Ларец” adlı rusdilli nəşriyyatı təsis etmişdir.

Nəşr olunan kitabları

Bədii

  1. “Tənha canavar”. Detektiv roman. 2010
  2. “Ünvansız sevgi”. Detektiv roman. 2011
  3. “O”. Hekayə, şeir, pritça. 2012
  4. “Ümidlərin izi ilə”. Detektiv roman (həmmüəllif). 2012
  5. “Sonuncu hədiyyə”. Detektiv roman. 2013
  6. “U geni” / “Yataqdakı qatil”. Detektiv povestlər toplusu. 2013
  7. “Qatil üçün nekroloq”. Detektiv roman. 2014
  8. “Milanaya məktub”. Detektiv roman. 2015
  9. “O2”. Şeirlər. 2015
  10. “5.45”. Hekayələr. 2016
  11. “Yalnızlığın bal ayı”. Məhəbbət romanı. 2016
  12. “Yoxolma”. Detektiv. Povest və hekayələr. 2017
  13. “İkimizin hekayəsi”. Hekayə və miniatürlər. 2018
  14. “Следами надежд” . Детективный роман (соавтор; Казахстан). 2016
  15. “Запоздавший реквием” рассказы (Россия). 2017
  16. “Медовый месяц одиночества”. Любовно-психологический роман (Польша). 2017
  17. “Последний подарок”. Детективный роман (Россия). 2018
  18. “Некролог убийце”. Детективный роман (Россия). 2018
  19. “Убийство при свете гирлянд”. Детективный роман (Россия). 2018
  20. “The late requiem”. Story book (Amazon). 2019
  21. “Таинственное письмо”. Детективный роман (Amazon). 2019
  22. “Ziqzaq”. Hekayələr. 2020

Metodik

  1. “Biologiya: addım-addım”. Botanika və Zoologiya. Test toplusu. 2008
  2. “Biologiya: addım-addım”. İnsan biologiyası və Ümumi biologiya. Test toplusu. 2009
  3. “Biologiya”. Qrafik, sxem və məsələ testlər. VI-XI sinif. 2009
  4. “Kimya”. Test toplusu (həmmüəllif). 2009
  5. “Biologiya”. Test toplusu. VI sinif. 2011
  6. “Uşaqlar üçün IQ”. 2011
  7. “Биология”. Тесты. VI-XI класс. 2011
  8. “Химия”. Тесты (соавтор). VII-XI класс. 2011
  9. “Bios”. Terminlər, izahlar, qeydlər. 2011
  10. “Kimya”. Yaddaş kitabçası. İzahlar, qeydlər. 2011
  11. “Biologiya: Dərsi Qiymətləndirmə Testləri”. 2011
  12. “Biologiya”. Abituriyentlər üçün vəsait. VI-XI sinif. 2013
  13. “Biologiya”. Abituriyentlər üçün test bankı. VI-XI sinif. I nəşr 2014
  14. “Kimya”. Abituriyentlər üçün vəsait. VIII-XI sinif. 2015
  15. “Biologiya”. İzahlı lüğət. Vizual dərslik. 2016
  16. “Biologiya”. 6-11-ci sinif. Kurikulumla. 2018
  17. “Kimya”. 7-11-ci sinif. Kurikulumla. 2018