Azad Qaradərəli – Kuma-Manıç çökəkliyi

Kitabda yazıçı Azad Qaradərəlinin “Kuma-Manıç çökəkliyi” romanı verilib. (Əsər ilk dəfə “Yazı” dərgisində hissə-hissə, “XAN” nəşriyyatında isə kitab halında 2016-cı ildə nəşr olunub.) Müəllifin ilk iri həcmli əsəri olan “Günəş tutulan yerdə” və “Şəhərcik” romanları ilə “Kuma-Manıç çökəkliyi”nin arasında müəyyən məzmun və süjet “qohumluğu” olsa da, bu əsər, hadisələrə nüfuz etmək, klassik romançılıqla modern roman məktəbinin sintezini verə bilmək baxımından daha maraqlıdır. “İtirilmiş nəsil” olan 80-90-cı illər gəncliyinin taleyindən və həm də itkin torpaqlarımızdan bəhs edən romanda hadisələr Birinci Qarabağ müharibəsinin fonunda cərəyan etsə də, döyüş səhnələri yox kimidir. Simvolik Lalar kəndi kimi bu döyüş səhnələrinin yoxluğu da, əslində bir çox yoxluqlardan bizi hali edir.

Roman 2019-cu ildə İstanbul “Kaynak” yayınları “Boyalıkuş”da “Petrol tarlaları” adı ilə çap olunub.

Bu kitab “Mücrü” nəşriyyatının “Proza” seriyasında nəşr edilmişdir. Müəllifin və “Mücrü” nəşriyyatının rəsmi razılığı olmadan kitabın, yaxud onun hər hansı bir hissəsinin təkrar çapı qadağandır.