Xanım Anela – Pıçıltı (Nağıllar)

Çarlz de Lintin də dediyi kimi “Heç vaxt nağıl oxumayan insanlar üçün çətinliklərin öhdəsindən gəlmək oxuyanlardan daha çətindir”. 3-6 yaşlı uşaqların zehni inkişafı, uşağın hər şeyi düşünməsinə, görmədiyi zaman da onları zehnində müqayisə etməsinə imkan verən məcazi düşüncənin formalaşması ilə xarakterizə olunur. Uşaqlar nağıl oxuduqları zaman qəhrəmanlarla birlikdə müxtəlif çətinliklərdən keçir, dostluq və dürüstlüyün dəyərini anlayır, ölümün, həyatın, təhlükənin necə bir şey olduğunu görə bilir, yaxşını pisdən ayırmağı öyrənir, hətta sevginin nə olduğunu dərk edir. Burda, əlbəttə ki, vacib nüanslardan biri də valideynin bu nağılı uşağa necə təqdim etməsidir.
Mən bu nağılları övladlarım kiçik yaşlarında olduqları zaman onlar üçün yazmışdım, həyatın bu incəliklərini öyrətmək və göstərmək üçün. Onlar artıq böyüyüblər və bu nağılları artıq digər balacaların oxuma zamanı gəlib deyə düşünürəm.
Balaca dostum, bu nağılları sevəcəyinə və həyatında nə baş verirsə versin, əsla yaxşı insan olmaqdan vaz keçməyəcəyinə ümid edirəm!

Mücrü Nəşriyyatı. 36 səh.