Vüsal Aydın – “Dr.Səid -İkinci ruhun kölgəsi”

Vüsal Aydının – “Dr. Səid – İkinci ruhun kölgəsi” kitabı “Proza” seriyasından işıq üzü görüb.

“İkinci ruhun kölgəsi” romanı yazıçı Vüsal Aydının “Dr. Səid” trilogiyasının ikinci kitabıdır. İlk kitab olan “Bir milyonluq xəyanət”də taleyi naməlum qalan obrazların üzərindəki sirr pərdəsi “İkinci ruhun kölgəsi”ndə qalxır. Roman qəribə, anlaşılmaz bir ölüm hadisəsi ilə başlayır və biz Dr. Səidlə birlikdə insan psixologiyasını alt-üst edən hadisələr burulğanına düşürük. Bütün bunlara baxmayaraq, əsəri tamamilə psixoloji detektiv hesab etmək doğru olmaz. Romanda detektiv əsərlərə xas olan detallar ustalıqla işlənsə də, “İkinci ruhun kölgəsi” daha çox psixoloji roman həvəskarlarını məmnun edəcək.

Nəşr göstəriciləri:Vüsal Aydın. Dr.Səid “İkinci ruhun kölgəsi” Roman. Mücrü Nəşriyyatı. 288 səh.