Südabə Sərvi – Kölgə: kod adı UMBRA

Qurğusunun ağırlığı insan məntiqinin gücü, zəkasının itiliyi üzərində olan detektiv janr bu gün istər dünyada, istərsə də Azərbaycanda oxucular arasında ən populyar janrlardan biridir. Bu janrda qələmə alınmış əsərlərdə biz yalnız cinayət hadisəsinin sirrini açmaqla kifayətlənmir, həm də insan xarakterinin gizli tərəflərini kəşf edirik. Əlinizdəki roman da bu qəbildəndir: bir çərşənbə günü evində müəmmalı şəkildə öldürülən Aysu ilə başlayan hadisələr bizi yalnız bir cinayətin sonuna aparmır. Müstəntiq Fərid Bayramlının apardığı araşdırma, oxucunu qəhrəmanların həyatlarının dərin qatlarına da endirir. Bu romanın əsas gücü yalnız “qatil kimdir?” sualında gizlənmir. Sətirlər arasında insanın ən böyük sınaqlarından biri – narkomaniya ilə mübarizə – xüsusi yer tutur. Yazıçı ustalıqla göstərir ki, bəzən cinayətin izlərini tapmaq, günahkarı ortaya çıxarmaq qədər, həyatın qaranlıq tərəflərindən çıxış yolunu göstərmək də vacibdir. Hadisələr boyu qarşınıza çıxacaq hər bir obraz sizə tanış gələ, onların düşüncələri, seçimləri, səhvləri və ümidləri sizdə bu sualı doğura bilər: mən olsam nə edərdim? Bu əsər, bir tərəfdən, maraqlı süjet xətti ilə oxucunu həyəcan içində saxlayacaq, digər tərəfdən isə cəmiyyətin ən ağrılı problemlərindən birinə güzgü tutacaq. Oxumağa başladığınız andan etibarən roman sizi düşündürəcək, sarsıdacaq və eyni zamanda ümidə aparacaq bir yolun yolçusuna çevirəcək.

135×205 mm, 288 səhifə, ağ-qara