Səməd Bəhrəngi – Balaca Qara Balıq

Alleqorik əsər olan “Balaca Qara Balıq” əsərində Səməd Behrəngi öz azadlıq arzularını balaca balığın dili ilə ifadə edir. Balaca Qara Balığın dünyaya göz açdığı mühit yazıçının yaşadığı cəmiyyətin oxşarıdır. Burada cəhalət hökm sürür. Ətrafdakı balıqlar heç nə ilə maraqlanmır, yeknəsək həyat yaşayırlar. Onların düşüncəsinə görə həyat yalnız yeməkdən, yatmaqdan, arxda mənasız vaxt keçirməkdən ibarətdir. Lakin gəncliyin təmsilçisi olan Balaca Qara Balıq belə həyat tərzi ilə barışmır. Balaca Qara Balıq öz davranışları ilə, digər balıqların düşüncələrini dəyişməyə nail olur.

Yazıçı əsəri nikbin sonluqla tamamlamaqla gəncliyin yenilməz qüvvə olduğunu nəzərə çarpdırmaq istəmişdir. Gənclər təcrübəsiz olsalar da, daim axtarışdadırlar, heç bir vəchlə köhnəliklə barışmırlar. Əsərdə Balaca Qara Balığın gəlib çatdığı genişlik gəncliyin arzuladığı yeni, azad həyatın rəmzidir.

Bu kitab “Mücrü” nəşriyyatının “Çoxbilmiş” seriyasında nəşr edilmişdir.

Əsərin orijinal adı “ماهی سیاه کوچولو”

Səməd Bəhrəngi. Balaca Qara Balıq. Nağıl. Mücrü Nəşriyyatı. 28 səh.