Rana – “Onlar türklərdi”

Kitab “Mücrü” nəşriyyatının “Proza” seriyasında işıq üzü görmüşdür.

Kitabda rusların keçmiş SSRİ ərazisində yaşayan türklərin başlarına açdıqları müsibətlərdən, onların Sovet ölüm düşərgələrindəki ağır vəziyyətlərindən, təhqirə məruz qalmalarından, alçaldılmalarından danışılır. Uzun müddət kitabın müəllifi barədə heç bir dəqiq məlumat bilinməmişdir. Hətta onun vərəqləri qana bulaşdığından bəziləri oxunmamışdır. Sonralar Aslan Kənan, Rananın Abay Dağlı olduğunu öyrənmiş, onun sorağına düşmüş, kimliyini üzə çıxarmaq üçün ciddi axtarışlar aparmışdır. İndi müəllifin bu kitabını oxuyanlar biləcəklər ki, Abay Dağlı kimi tanıdığımız yazıçı əslində Cəmil İbrahim oğlu Ağayevdir. O, 1941-ci ildə cəbhəyə getmiş, geri qayıtmamış və yeri-yurdu da bilinməmişdir. Onun Türkiyəyə necə gəldiyi də bəlli deyil. Yazıçı Türkiyədə adını da, soyadını da gizlətmiş, Abay Dağlı kimi tanınmışdır. Tariximizin qanlı səhifələrini yaşatdığına görə kitab çox dəyərlidir.

Nəşr göstəriciləri: 168 səhifə, A5, ağ-qara, “Mücrü” Nəşriyyat / 2020