Qaratel İsmayılova – Azərbaycan dilindən sual-cavab kitabı

Əziz oxucu!
Sizə təqdim etdiyim bu kitab şagirdlər və abituriyentlər üçün köməkçi vasitədir. Kitabda orta məktəb proqramına yeni daxil edilmiş materiallar da əks olunub. Kitab orta məktəb şagirdlərinə kömək məqsədilə yazılıb. Vəsaitdən liseyə hazırlaşan şagirdlər, abituriyentlər və müəllimlər də istifadə edə bilər. Vəsait hər bir şagirdin, abituriyentin dərsliklərdən öyrəndiyi bilikləri tamamlayır, zənginləşdirir və sistemləşdirir. O, biliklərin möhkəmləndirilməsi məqsədilə yerinə yetirilən təkrarlanma mərhələsində xüsusilə əhəmiyyətli rol oynayır. Vəsaitə xas olan lakoniklik, şərh və izahlardakı yığcamlıq, eyni zamanda izahların nümunələrlə verilməsi, məzmunu qısa, lakin dolğun ifadə etmək keyfiyyəti ondan istifadə edənlərə az bir vaxtda səmərəli nəticələr əldə etməyə imkan verəcək.
İnanıram ki, kitab inkişaf etməkdə olan müstəqil Azərbaycanımızın gənclərinə kiçik bir töhfə olacaqdır.
Sizə uğurlar arzulayıram!

Qaratel İsmayılova. Azərbaycan dilindən sual-cavab kitabı
Məktəblilər, liseylərə hazırlaşanlar və abituriyentlər üçün tövsiyə olunan vəsait

“Mücrü” nəşriyyatı. Bakı-2022. 96 səh.
Bu kitab “Mücrü” nəşriyyatının “Abituriyent” seriyasında nəşr edilmişdir. Kitabın bütün hüquqları qorunur. Müəllifin rəsmi icazəsi olmadan nəşrin, habelə onun hər hansı bir hissəsini elektron, yaxud mexaniki üsullarla çoxaltmaq, surətini çıxarmaq və yaymaq qanuna ziddir.