Qabriel Qarsia Markes – Üç somnambul üçün kədər

Kolumbiyalı yazıçı Qabriel Qarsia Markes hekayələrində həyati həqiqətləri fantastik gerçəkliklə bir araya gətirərək, oxucusuna bir yandan real, bir yandan da bundan çox uzaq – nağılvari yazı tərzinə köklənmiş qəribə ovqat bəxş edə bilir. Kitabda yer alan “Belə günlərdən biri”, “İri qanadlı çox qoca adam”, “Məhəbbət əvəzinə ölüm labüdlüyü”, “Üç somnambul üçün kədər” hekayələrində bir xarakterin timsalında özümüzdən də əlamətləri görə biləcəyimiz, yalnızlıq duyğusunun yüksək dərəcədə ön planda olduğu və əsas etibarilə hekayələrin hər bir detalında uşaq məsumiyyətinin boy verdiyi yazı tərzi ilə qarşılaşacağıq. Kitabın sonunda Markesin ölümqabağı yazdığı məktubunu dərc etməklə oxuculara yazıçının həyatı, onun daxili dünyası və həqiqətləri ilə yaxından tanış olmasına çalışmışıq.
Bu kitab “Mücrü” nəşriyyatının “Zirzəmi” seriyasında nəşr edilmişdir.

Mücrü Nəşriyyatı. 36 səh.