Nazlı Çələbi – Oğurluq bədən

“Oğurluq bədən” əsərində insan qəlbinin dərinliklərində gizlənib qalmış hisslərə aydınlıq gətirilməsi ilə yanaşı, qadın psixologiyasının incə məqamları, qorxu, qısqanclıq, xəyanət kimi dağıdıcı hisslərin yaranma səbəbləri və bundan xilas olma yollarından bəhs edilir. Gizlilik elminin elementlərinin də əlavə edildiyi əsərdə oxucular gözəgörünməz varlıqların, ruhların insan bədəninə daxil olması, onu müştərək işlətməsi barədə maraqlı açıqlamalarla qarşılaşacaqlar. Baş verən cinayət hadisəsində mistik notların yer alması əsəri daha maraqlı və həyəcanlı edir. Bir sözlə, kitabı oxuyanlar illərlə daxili aləmlərində gizlətdikləri maraqlarını qabarda biləcəklər. Eyni zamanda, heç kimlə bölüşə bilmədikləri və bilməyəcəkləri suallara cavab tapacaq, ruhi iztirablardan xilas olmaq şansı əldə edəcəklər. Muradla Ellanın dialoqunda Anar Xəyalinin qadın xisləti barədə yazdığı memuarından bir hissə istifadə edilmişdir. Bundan əlavə, əsərdə psixoloq, parapsixoloq, xiromant Vahid Məcidovun keçirdiyi real seanslar da öz əksini tapmışdır. “Oğurluq bədən” informativ xarakter daşıyan psixoloji-dramatik romandır.

Mücrü Nəşriyyatı. 216 səh.