Haynrix Mann – Professor Qanmaz

Haynrix Mannın məşhur romanı Professor Unrat (Qanmaz), Roza Frölix adlı gənc bir rəqqasəyə aşiq olan avtoritar, xaraktersiz, ictimai münasibətlərdə bacarıqsız bir müəllim haqqındadır. Təsadüfi bir qarşılaşmadan sonra Professor Unrat (Qanmaz) qısa müddətdə Rozanın ovsunlayıcı cazibəsinə qapılır və heç kimin onunla münasibət qurmasına imkan yaratmamağa qərar verir. Rozayla münasibətlərində onun əsas rəqibləri şagirdləridir. Ancaq professor bütün rəqiblərini sıradan çıxarmağı bacarır…
Professorun rəqqasə qadınla yaxın əlaqəsi kiçik qəsəbədə skandal yaradır və o məktəbdən qovulur. Ancaq bundan narahat olmayan sabiq müəllim Rozanın da köməyiylə yüksək kübar cəmiyyət nümayəndəsi olaraq özünü yenidən kəşf edir. Evini əyləncə məkanına çevirən professor rəqqasə Frölixin köməyi ilə bütün rəqiblərini sıradan çıxarsa da, sonda ən böyük rəqibinə – özünə məğlub olur…

Heinrich Mann. “Professor Unrat oder Das Ende eines Tyrannen”
Haynrix Mann. Professor Qanmaz. Roman
Bakı, “Mücrü” nəşriyyatı, 232 səh.