Ernest Heminquey – Qoca və dəniz

Kitabda Ernest Heminqueyin “Təmiz, işıqlı yer”, “Miçiqan”, “Ağ fillərə bənzəyən təpələr”, “Hindu qəsəbəsi”, “Körpüdəki qoca”, “Köhnə cəbhəyə qayıdış”, “Yağışdakı pişik”, “Bir günün nigaranlığı”, “İsveçrəyə ehtiramla” hekayələri, həmçinin “Qoca və dəniz” povesti toplanmışdır. Hekayələrdə əsasən müharibədən sonrakı hadisələr, yazıçının gördüyü, müşahidə etdiyi həyati anlar ön plandadır. Həyatında bir neçə dəfə təhlükə ilə qarşılaşması, ölümlə üzləşməsi, həmçinin könüllü şəkildə Birinci Dünya müharibəsinə yollanması, ayağından yaralanması, personajları və öz gözü ilə gördüyü hadisələri obrazlarla göstərməsi hekayələrin əsas məğzində dayanır. “Qoca və dəniz” povestində isə insanın məğlubedilməzliyi, yenilməzliyi, onun bütün gücü ilə nələrə qadir olduğu öz əksini tapır.
Bu kitab “Mücrü” nəşriyyatının “Zirzəmi” seriyasında nəşr edilmişdir.

Mücrü Nəşriyyatı. 164 səh.