Ceyhunə Yusifova – Müsahibəyə hazırlaşanlar üçün müsahibə proqramı əsasında hazırlanmış vəsait

Ceyhunə Yusifova. Müsahibəyə hazırlaşanlar üçün müsahibə proqramı əsasında hazırlanmış vəsait

“Mücrü” nəşriyyatı. Bakı-2022. 132 səh.

 Vəsait “Mücrü” nəşriyyatının “Elm” seriyasında işıq üzü görüb. Kitabın bütün hüquqları qorunur. Nəşriyyatının rəsmi razılığı olmadan kitabın, yaxud onun hər hansı bir hissəsinin elektron və mexaniki üsullarla çoxaldılması qanuna ziddir.

Müəllimlər üçün nəzərdə tutulan bu vəsait müsahibə proqramının məzmununa və tələblərinə uyğun olaraq hazırlanmışdır. Vəsaitin zəruriliyi bir sıra amillərlə bağlıdır. Məlumdur ki, təlimin qarşısında duran ən mühüm vəzifələrdən biri müəllimin dünyagörüş, psixoloji, ixtisas və kurikulum biliklərinə hansı səviyyədə yiyələnməsini aşkar etməkdir. Məhz bu səbəbdən müəllimlərin işə qəbulu üzrə müsabiqənin müsahibə mərhələsi buna xidmət edir.

Yaradılmış ekspertlər qrupu tərəfindən dünyagörüş, psixoloji, ixtisas və kurikulum bilikləri ilə bağlı suallar müəllim namizədlərinə ünvanlanır.

Dünyagörüş suallarına mühüm tarixi hadisələr, ölkə əhəmiyyətli layihələr, ictimai-siyasi xadimlər haqqında məlumatlar daxildir. Həmçinin, dünyagörüşüylə bağlı suallarda namizədlərin teatr, kino, mədəniyyət sahələri ilə bağlı bilikləri də yoxlanılır.

Müsahibə mərhələsində psixoloji suallar müəllim namizədlərin psixoloji durumu və səbrini yoxlamağa xidmət edir.

Kurikulum suallarına isə fəal dərsin mərhələləri, dərsin necə qurulması haqqında suallar müəllim olacaq namizədlərə ünvanlanır. Həmçinin, kurikuluma aid vacib məlumatlar da soruşulur.

Sizə təqdim etdiyimiz bu kitabda müsahibə proqramına uyğun olaraq bütün məlumatlar öz əksini tapmışdır.

Verilmiş məlumatlar həm nəzəri, həm də praktik xarakter daşıyır.

Kitab müəllimlərin işə qəbulu və yaxın gələcəkdə keçiriləcək sertifikasiya imtahanlarına uyğun olaraq hazırlanmışdır.

Ümidvarıq ki, bu kitab sizin arzu və istəklərinizə cavab verəcək. Hər birinizə peşə fəaliyyətinizdə uğurlar arzu edirik!