Məşhur yazarların qəribə ölüm səbəbləri

Məşhur yazarların son sözləri və qəribə ölüm səbəblərini sizə təqdim edirik. 

İngilis yazıçı Virciniya Vulf ömrü boyu depressiya ilə boğuşub. O, bu ağrılarından xilas ola bilmədiyi üçün, 1941-ci ildə Ous çayına gedib, cibinə daş yığaraq, özünü çaya atıb. Virciniya Vulfdan həyat yoldaşına yazdığı məktubu qalır: “Sevgilim, yenə dəli olacağımdan əminəm. Yaşadığım qorxunc vaxtlara qayıda bilmərəm. Bu dəfə yaxşı olmayacağam. Səslər eşitməyə başlamışam, heç nəyə fikrimi cəmləyə bilmirəm. Buna görə də edə biləcəyim ən yaxşı şey budur”.

“Sevinməyin, hələ ölməmişəm”. Bu sözlər məşhur türk yazıcısı Oğuz Atayın son sözləridir. Belə ki, o, yaxın dostugildə hamam girir. Duşda çox qalmağından dostları narahat olub, onu səsləyir. O, isə cavabında “Sevinməyin, hələ ölməmişəm” cavabını verir. Dostları bu sözlərə gülür, ancaq yazıçı həmin andaca can verir.

Məşhur iran şairəsi Füruğ Fərruxzadın ölümü isə indiyə qədər müəmmalı olaraq qalır. Belə ki, o, daim qadın haqlarının müdafiəçisi kimi çıxış edir və bu da o dövrkü Şah hökuməti tərəfindən birmənalı olaraq qarşılanmırdı. Füruğ Fərruxzad 32 yaşında avtomobil qəzası nəticəsində həlak olub. O, məktəbliləri daşıyan avtobusla toqquşmamaq üçün maşınını divara çırpıb. Bir çoxları isə bunun sadəcə qəza olmadığını bildirirlər.

Onore de Balzakı ölümə aparan səbəb isə kofe sevgisidir. Belə ki, o, kofe içmədən yaza bilmirdi. Belə ki, o, bəzən gündə 10 fincandan çox kofe içirdi. Bu sevgisi də Balzacı ürək çatışmazlığından ölməyinə səbəb olub.