Aqata Kristi – Qatardakı qız

Kitabda dünyaşöhrətli detektiv yazıçı Aqata Kristinin bir-birindən maraqlı hekayələri yer almışdır. “Qatardakı qız”da evdən qovularaq şəhərdən kənarda yaşamağa qərar verən gənc oğlanın elə yolda ikən tanış olduğu və ona yardım edən qızla əhvalatına şahidlik edəcəksiniz. Puaro müəmmalı vəsiyyətin mənasını isə “Vəsiyyətnamə haradadır?”da axtarır. “Misir sərdabəsinin sirri”ndə dul qadının xahişi ilə istintaqa başlayan Puaro bu dəfə Misir fironun türbəsinin qazılması zamanı baş verən müəmmalı ölümü araşdırır. “Krit öküzü”ndə hər şey admiralın buğaya oxşayan gənc və sağlam oğlunun dəli olması ilə başlayır. Rəfiqənizdən oğurladığınız üzüyü peşman olub ona geri qaytarmaq istəsəniz nələr baş verə bilər? “Kədərli ledi”ni oxuyaraq bu suala cavab tapa bilərsiniz. İlk dəfə 31 yanvar 1925-ci ildə “Flinn” jurnalında “Satqının əlləri” adı ilə nəşr olunan növbəti hekayəni bu kitabda “Şahid” adı ilə oxuyacaqsınız. Və kitabın sonuncu hekayəsi… Erkül Puaro və kapitan Hastinqs Qələbə Günü münasibətilə maskarad balına gedirlər. İtalyan klassik komediyasının personajlarının kostyumlarını geyinmiş balın iki iştirakçısı sonradan öldürülür. Hadisənin sirrini öyrənmək istəyirsinizsə, “Qələbə balı əhvalatı”nı oxuyun.

135×205 mm, 156 səhifə, ağ-qara