Zəhirəddin Məhəmməd Babur – Rübailər

Əmir Teymurun törəmələrindən olan, ömrü qovğalarda keçmiş, Hindistanda xanədanlıq qurmuş, bu ölkədə üç yüz ildən artıqdavam edəcək türk hökmranlığının banisi, ədalətli və qurucu dövlət xadimi kimi ad çıxarmış şah və şair Zəhirəddin Məhəmməd Babur (1483-1530) özündən sonra böyük ədəbi irs qoyub getmişdir. Müəllifin zəngin, qaynar həyatından,qələbələr və itkilərlə dolu mübarizələrindən, coğrafiası geniş səyahətlərindən, dövrün estetiasından, məişət görüntülərindən, xatirələrindən,fəlsəfidüşüncələrindən, ədəbi görüşlərindən bəhs edən “Vəqaye” (“Vaqiələr”) və yaxud “Baburnamə” adlanan əsəri bütün dünyada tanınır.