“Milli kitab sərgisi” və “Bakı Beynəlxalq kitab sərgisi”

1-10 oktyabr tarixlərində ölkəmizdə ilk dəfə təşkil olunan “Milli kitab sərgisi” və 6-10 oktyabr tarixlərində isə VII “Bakı Beynəlxalq kitab sərgisi” oxucular üçün əsl bayram ab-havası yaratmışdı. Sözügedən sərgilərdə Mücrü nəşriyyatı da fəallıq göstərdi. İki fərqli məkanda və fərqli sərgidə təmsil olunan komandamız oxucularına 200 fərqli adda (həm bədii, həm publisistik, həm də dərslik) kitab təqdim etdi ki, bu kitablar içərisində ən çox maraq cəlb edən isə gözlənildiyi kimi “Bir saatda tarix” seriyasının ilk 10 kitabı oldu. Bu seriyada müxtəlif ədəbi və tarixi portretlərin və eyni zamanda tarixi hadisələrin qısa xülasəsi və daha çox bilinməyən faktları toplanır. Mücrü nəşriyyatı seriyanın davamını oxucuların maraq dairəsinə uyğun davam etdirməyi planlaşdırır.