Vüsal Aydın – “Dr.Səid – Bir milyonluq xəyanət”

Bu kitab “Mücrü” nəşriyyatının “Proza” seriyasında nəşr edilib.

Vüsal Aydın bu romanında özünəqəsdin arxasında duran qüvvələri və görünməyən fiqurları göstərməyə çalışıb. O, ixtisasca həkimdir. Araşdırmaq istədiyi bu dünyəvi problem də ixtisasına uyğundur, ancaq bu problemi elmləşdirmək, məntiqləşdirmək, ən əsası isə hadisələri oxucunun maraqla oxuyacağı və inanacağı səviyyədə təqdim etmək böyük yazıçı cəsarəti tələb edir. Bu, düşünürəm ki, onun uğurudur…

Özünəqəsd bu gün böyük bir dünyəvi problemdir, ancaq biz çox vaxt düşünməmişik ki, bu cinayətlərin məcbur edən qüvvələri, yaxud gerçək səbəbləri var…

Bu kitab özünəqəsd problemi üzərində yazılan ilk psixoloji-detektiv romanıdır. Mən inanıram ki, oxucu bu romanı çox böyük maraqla oxuyub, gələcəkdə bu romanı film və ya serial versiyasını da görmək istəyəcək!

Nəşr göstəriciləri: Vüsal Aydın. Dr. Səid “Bir milyonluq xəyanət”. Roman. Mücrü Nəşriyyatı. 304 səh.